Қ. Құрманбаев атындағы облыстық фтизиопульмонология орталығында қымызбен емдеу 2009 жылдан басталды. Ежелгі заманнан бері қымыз көшпелі халық үшін тамақ өнімі ретінде ғана емес, емдік құрал ретінде де белгілі. Бие сүтінде 40-тан астам қоректік заттар мен минералдар бар. В және С дәрумендерінің көп мөлшері туберкулезбен ауыратын науқастарға ұзақ мерзімді антибиотикалық терапия кезінде әсіресе пайдалы — дейді мамандар.
ЖАНАТ ГАЗИЗОВ -Қ. ҚҰРМАНБАЕВ АТЫНДАҒЫ ОБЛЫСТЫҚ ФТИЗИОПУЛЬМОНОЛОГИЯ ОРТАЛЫҒЫ БӨЛІМШЕСІ МЕҢГЕРУШІСІ: «Қымызбен емдеу кезінде біз қымызбен емдеу басталғаннан кейін 7-12 күн өткен соң туберкулездік интоксикация белгілері жоғалғанын немесе күрт төмендейтінін анықтадық: тәбет жақсарады, ұйқы қалыпқа келеді, әл-ауқат пен көңіл-күй жақсарадыә.
Бүгінгі таңда облыстық фтизиопульмонология орталығында 105 пациент емделуде. Оның ішінде 45 -і туберкулездің төзімді түрімен ауырады және өкпе терапиясы бөлімшесінде мамандандырылған терапиядан өтеді. Күн сайын пациенттер денсаулығын жақсартуға және нығайтуға көмектесетін қымыздың 200-ден 500 граммына дейін тұтынады.
АСЫЛБЕК ЖУМАБЕКОВ – ПАЦИЕНТ: «Пайдасы бар, өте жақсы. тезірек емделуге көмектеседі. Біздің аталарымыздың қымыз ішкендері бекер емес. Менің ойымша, мұның ешқандай зияны жоқ, тек пайдасы бар».
Жыл сайын туберкулезбен жаңа ауырған 30-35 пациент қымызбен емдеуден өтеді. Осы терапияны енгізу басталғаннан бері өкпе туберкулезімен ауыратын 330 адам қамтылды. Пациенттердің 90% — дан астамы қымызды жақсы қабылдады, 77% -ы салмақ қосып, 27% — ы емнің болжамды мерзімінен ерте емделіп шықты.